近年智能家電愈來愈流行,自動吸塵機械人細細部已經自動幫手打掃屋企,仲可以預設時間,自己慳返唔少時間力水,當然好吸引。英國的家電公司Dyson推出了一部全新的自動吸塵機械人Dyson 360 Eye robot,機如其名,鏡頭視野有360,仲可以用手機App黎遙控部吸塵機,隔離屋大雄既媽媽都話出街安心啲!

Dyson 360 Eye robot採用360度全景鏡頭,配合紅外線技術定位及導航。鏡頭下的智能相機會每秒連拍30張相,即時光線不足也無問題,並即時以SLAM軟件運算,分析屋內的環境,以便清潔得更徹底。此機採用的強力除塵系統為Dyson旗下最細小,力度足以清除花粉和霉菌。底部類似坦克車式的捲軸型膠帶,而非普通輪子,避免吸塵時被地板或地毯卡住。

最勁的是Dyson 360 Eye robot可以配合免費的iOS和Android App使用,用家可以透過 Dyson Link App,遙控吸塵模式和預設清潔時間。就算外出了,也可以利用App監察清楚進度。Dyson 360 Eye robot預計於2015年夏季起上市,定價約 £700,有興趣(買部俾媽媽)試試嗎?