特大容量流動充電器大家見唔少,但擁有 40,800mAh 電量的超大尿袋,你又見過未?記者日前遊走日本網站,發現這款 Lookeast Power-Pond Pro LE-UBT40K 尿袋,除了擁有特大電量之外,機身面又設有 1.7 吋屏幕,可供用戶檢視充電狀態。日本有店舖賣 19,800 日圓,即約 HK$1,290 左右。過千蚊買個超級「發電廠」,你願唔願意?留意,睇相見到寫明係「日本製」,會唔會俾你大少少信心呢?問題係,這部鯨魚級尿袋機身都幾大,要帶出街都幾辛苦,真係唔知咩人需要咁大個尿袋!記者發現 Amazon Japan 都可以買到呢賣產品,唔知遲一點會唔會有香港腦場店入呢件貨賣呢?