好消息!5.5 吋芒手機,終於唔駛搶,不過唔係講 iPhone 6 Plus! 大家想多左啦。大家搶 iPhone 6 之前,大家還記得曾經搶過小米手機?  不過,繼小米 3、紅米 1S 後,連最大熱的紅米 Note ,都唔駛再預約,唔駛再搶啦。

小米香港 Facebook,今天貼出告示,由紅米 Note 增強版由 22/9 中午十二點起,開始係香港官網免預約開放購買 (即係隨時網購都可以) ! 紅米 Note 增強版是一部 3G 雙卡雙待手機,採用 MTK  八核心處理器,用 8GB ROM 及 2GB RAM。它跟搶爆全城的 iPhone 6 Plus 一樣,使用 5.5 吋屏幕,但解像度只有 HD 高清,不是 Retina 啦。紅米 Note 增強版全日可買,賣價依然 Keep 住 $1239!

$1239 一部手機,跟 iPhone 6 Plus 相比,紅米 Note 無炒價比用家賺,但有炒價被手機店賺番你轉頭呢!小米手機一向只有在他們的官方網站賣正貨,香港有 csl. 提供上台服務。其他地方賣紅米 Note 大約要千五蚊或以上。若果你唔熟上網 Shopping 的運作,好消息是位於九龍灣 csl. 小米專門店,亦會加入賣紅米 Note (增強版) 淨機,售價應該都係 $1,239,唔怕被人賺多啦!

CSL_red_mi_note